|
|
|
|||
|
|
|
|
|
|
|||||||||
|
|
||||||||||||
|
|
|
|
|
|||||||||
|
|||||||||||||
|
Tutegna egn lai a Cuira? La visiùn d'egn lai a Cuira davainta ple a ple «concreta» (anr/grc) L'«Uniùn cuntrada digls lais Cuira», (Churer Seeverein), sut igl presidi dad Anna Ratti, â igl vendergis passo preschanto models da students da la Scola politecnica federala (SPF) da Turitg, sut la direcziùn da Christophe Girot. Quels en exponieus an la Stadtgalerie an la tgea comunala da Cuira. Christophe Girot e incanto da quella ideia sco tala ad el â ear fatg da saver ca auas gràndas segian vagnidas risguardadas, quasi bagn vagnidas. Gl'e betga me da far quent cun inundaziùns, igl segi ear da calcular cun l'aua digls flems, cun quella ca darivi da las muntognas, cun l'aua pearsa sco ear cun l'aua sutterana. Ànc megna bòld par egna iniziativa digl pievel Sco proxim pass vigni a vagnir lantscho egn studi da la realisabladad, fa Bruno Claus, vizeparsura da l'Uniùn cuntrada digls lais Cuira, da saver a fa atent sen egn exaimpel d'egn lai artifizial gea realiso, sen igl Schwarzl-See, an vaschinànza da Graz, «cun antocen 25 000 giasts par gi ca fan bogn a là», sco c'el â fatg da saver a caschùn da quella conferenza da pressa digl vendergis passo. Scha quella visiùn da transfurmar igl areal trànter igl Ragn a l'A13 po anzuma egn'eada vagnir realisada sara pigl mumaint incalculabel, malgro ca strusch egna abitànta near egn abitànt da Cuira vess anzatge anviers egn «lai da Cuira». Igl «Rossboden» e an possess da la confederaziùn a sco c'igl para degi quel agl avagnir vagnieu tratg a nez ple intensivameing par exerzezis da trupas militaras. Tenor las anunztgas actualas da la confederaziùn den 60 digls posts da lavur digl arsenal da Cuira vagnir mantanidas anavànt. Nigna mancànza da fantaseia Las studentas ad igls students da la SPF ân igl vendergis passo preschanto sezs lur projects a la fantaseia glis mànca ear betg. Digl pled lai ân els betga fatg diever, aposta betga, sco ca l'assistenta da Christophe Girot, Martina Voser, propi egna da Cuira, â fatg da saver. La leztga segi vagnida tschantada ascheia da crear egna cuntrada d'aua, quasi egna regiùn umida cun islas a spazi vital. L'exposiziùn an la
tgea comunala da Cuira, Stadtgalerie dira antocen igls 30 da satember
2005, par finir quella vean que gi a ver liac |
|||||||||||||
|
|
|
